Sinoptiklər yenə "az yağış yağacağını" vəd etmişdilər, siz isə artıq üçüncü aydır ki, yaz fəslinin hara yox olduğunu anlaya bilmirsiniz? Görünür, astrologiyanın bu gün hava proqnozundan daha sabit işlədiyini qəbul etmək vaxtı çatıb. Sinoptiklər şimal küləyini öncədən xəbər verə bilməsələr də, ulduzlar retroqrad Merkuri dövründə niyə keçmiş sevgilinizə yazmaq istədiyinizi çoxdan izah ediblər.
Bizim.Media iyun ayında bizi daha nələrin gözlədiyini təqdim edir:
Demək olar ki, bütün ay boyu (1–29 iyun) Mars Buğa bürcündə olacaq. Bu, işlərdə aktivlik enerjisi gətirəcək, odur ki, lənglikdən və şübhələrdən qaçın. Sizin üçün vacib olan hər hansı bir işdə təşəbbüskarlıq nümayiş etdirmək və liderlik rolunu üzərinə götürmək üçün əla vaxtdır. Bütün iyun ayı xoş görüşlərin, randevuların və ziyafətlərin təşkili üçün uğurludur.
Üç ləng nəhəng planet — Pluton, Uran və Neptun səmada üçbucaq şəklində birləşir. Natal xəritənizdə bu planetlərin hansı evlərdə yerləşdiyinə diqqət yetirin, çünki iyun ayında həyatınızın məhz həmin sahələri aktiv şəkildə işə düşəcək.
8–10 iyun tarixlərində Venera Yupiterlə birləşəcək. Bu, xüsusi bəxt və sevinc dövrüdür. İşgüzar danışıqlar, bayramlar, romantik tanışlıqlar və görüşlər, həmçinin pullar, sevgi və səyahətlərlə bağlı hər bir addım üçün əlverişli zamandır.
15 iyun – Əkizlər bürcündə təzə ay (təzə ay doğması) baş verəcək. Hər növ yeni başlanğıclar üçün mükəmməl vaxtdır. Yeni bir işə nə qədər çox enerji qoysanız, nəticə bir o qədər uğurlu olacaq. Xüsusilə ünsiyyət, kollektivlər və icmalarla bağlı hadisələr daha müvəffəqiyyətli keçəcək.
21 iyun – Yay günəş durması günüdür. Bu, aydınlıq qüvvələrinin qaranlıq üzərində qələbəsini simvolizə edən, energetik cəhətdən ən güclü gündür. Həmin gün öz düşüncələrinizə, sözlərinizə və hərəkətlərinizə nəzarət etmək vacibdir, çünki onlar gələcəyinizi energetik olaraq proqramlaşdırır. Uğur sizə təmənnasız kömək və xeyirxahlıq, həmçinin başqaları ilə paylaşdığınız şən hadisələr (məsələn, hər hansı bir bayram və ya səmimi görüş) vasitəsilə gələcək.
29 iyun – Oxatan bürcündə bütöv ay (bədirlənmiş ay) hadisəsi gözlənilir. Yayın ilk bütöv ayını adətən "çiyələk ayı" adlandırırlar, çünki Şimal yarımkürəsində bu dövr çiyələk məhsulunun yığılması ilə bağlıdır. Bu bütöv ay səyahət və təhsillə bağlı məsələlərin həlli üçün uğurludur, həmçinin hər hansı bir macəra və ya avantüra planlaşdırırdınızsa, olduqca əlverişlidir.
29 iyundan 23 iyula qədər – Xərçəng bürcündə retroqrad Merkuri dövrü başlayır. Yarımçıq qalmış işləri tamamlamaq və ya yenidən qurmaq, köhnə tapşırıqlara qayıtmaq üçün yaxşı vaxtdır. Lakin yeni başlanğıclar, bahalı alış-verişlər, müqavilələrin bağlanması, planlı əməliyyatlar və sənədlərlə bağlı məsələlərin həlli arzuolunmazdır.
Həmçinin bu dövrdə ailə məsələlərinə yenidən baxmaq, qohumlarla olan ixtilafları həll etmək, artıq başlanmış təmiri və ya evin qurulması işlərini davam etdirmək tövsiyə olunur.
Bizim.Media
