Bakı, 1 iyun, AZƏRTAC
1 İyun – Uşaqların Beynəlxalq Müdafiəsi Günü münasibətilə AZƏRTAC balaca qonaqları üçün əyləncəli proqram təşkil edib.
Bu tədbir uşaqlara həm əylənmək, həm də yeni dostlar qazanmaq imkanı yaradıb.
Uşaqların sevinc dolu anları, yüksək əhval-ruhiyyələri və səmimi gülüşləri tədbirə xüsusi rəng qatıb.
AZƏRTAC-ın Uşaq Bilik Portalının kollektivi balacaları bir araya gətirərək onların hər birinin bayram sevincini bölüşməsinə şərait yaradıb.
