"Pari Sen-Jermen"in (PSJ) Çempionlar Liqasındakı qələbəsindən sonra başlayan iğtişaşlar nəticəsində ölənlərin sayı üç nəfərə çatıb.
Redaktor.az xəbər verir ki, bu barədə "Le Parisien" qəzeti məlumat yayıb.
Nəşrin məlumatına görə, əvvəllər bildirilən qəzada iştirak edən motosikletçidən əlavə, daha iki nəfər Sena çayına düşüb.
Şahidlərin sözlərinə görə, mərhumlardan biri qəsdən çaya atılıb. Qəzetin məlumatına görə, o, 1997-ci il təvəllüdlü Ruanda vətəndaşı olub. Paytaxtın 5-ci və 6-cı rayonlarındakı polis bölmələri ölüm səbəbini müəyyən etmək üçün araşdırmaya başlayıb.
Daha əvvəl Fransanın daxili işlər naziri Loran Nunyes iğtişaşlar zamanı 890-dan çox insanın saxlanıldığını açıqlamışdı. 200-dən çox insanın da yaralandığı bildirilmişdi.
PSJ Budapeştdə keçirilən Çempionlar Liqasının finalında Arsenal komandasını məğlub etdi. Əsas vaxt və iki əlavə hissədən sonra hesab 1-1 oldu. PSJ penaltilərdə 4-3 hesabı ilə qalib gəldi.
Aminə ŞAHSUVARQIZI
