Sabiq əmək və sosial müdafiə naziri Səlim Müslümovun cinayət işi üzrə məhkəmə araşdırması başa çatıb. Ona 5 il sınaq müddəti təyin olunmaqla 11 il müddətinə şərti cəza verilib.
Ulusal.az bildirir ki, hökmə əsasən, sabiq nazirin 8 milyonluq əmlakı da müsadirə ediləcək.
Sözügedən əmlakların bir hissəsi aşağıdakılardır:
-Binəqədi rayonu, Akademik Ziya Bünyadov prospektində yerləşən iki mənzil;
-Səbail rayonu, Azadlıq prospektində yerləşən qeyri-yaşayış sahəsi;
-Bakı şəhəri, Yasamal rayonu, Mirzə İbrahimov küçəsində mənzil;
-Nərimanov rayonu, Oqtay Kərimov küçəsində iki ev;
-Nərimanov rayonu, Məmməd Araz küçəsində ev;
-Binəqədi rayonu, 6-cı mikrorayonda yerləşən 500 və 300 kv.m torpaq sahələri;
-Bakı şəhəri, Xətai rayonu, Rəsul Rza küçəsində yerləşən 300 kv.m olan qeyri yaşayış sahəsi.
