Azərbaycanda Formula 1 Qran Prisinin biletlərinin satışına başlanılıb

Baku City Curcuit əməliyyat şirkəti Qatar Airways Formula 1 Azərbaycan Qran Prisi 2024 üçün biletlərin ilkin satışına başlayıb. Fevralın 20-dən martın 5-dək azarkeşlər biletləri Bakı Şəhər Halqası proqramı vasitəsilə 20% endirimlə əldə edə biləcəklər. Azarkeşlərə üç günlük tribuna biletləri ilə yanaşı, pit-pass da veriləcək. Qatar Airways Formula 1 Azərbaycan Qran Prisi 2024 13-15 sentyabr tarixlərində Bakıda keçiriləcək.