HƏMAS-ın silahlı qanadı Qəssam Briqadaları İsrail helikopterini SAM-7 raketi ilə vurduqlarını açıqlayıb.
AZXEBER.COM xarici mediaya istinadən xəbər verir ki, HƏMAS-ın silahlı qanadı İzzəddin əl-Qəssam Briqadaları Qəzza zolağında İsrail ordusuna məxsus helikopteri hədəfə aldığını açıqlayıb.
\"Əl-Əqsa” televiziyasının \"Telegram” kanalında verilən açıqlamada Qəssam Briqadalarının Qəzzanın mərkəzi bölgələrindəki Əl-Bureyc Qaçqınlar Düşərgəsində bir İsrail helikopterini hədəf aldığı bildirilib.
Açıqlamada \"Qəssam Briqadaları SAM-7 raketi ilə Əl-Bureycdən şərqdə bir İsrail helikopterini vurdu, qırıcılarımız helikopterin vurulduğunu təsdiqlədi\" ifadələri işlədilib.
Ayşən
