Ağstafada 24 yaşlı oğlan üstünə benzin tökərək özünü yandırıb.
APA-nın məlumatına görə, hadisə rayonun Poylu kəndində qeydə alınıb.
1999-cu il təvəllüdlü Şahin Namazov bədəninin 2-3-cü dərəcəli yanığı diaqnozu ilə xəstəxanaya yerləşdirilib.
Ona dərhal yardım göstərilib, vəziyyətinin kafi olduğu bildirilir.
Ş.Namazovun hansı səbəbdən özünü yandırması məlum deyil.
Faktla bağlı araşdırma aparılır.
