Vaşinqton, 1 avqust, AZƏRTAC
“ABŞ-ın HƏMAS liderinin ölümü ilə əlaqəsi yoxdur”. AZƏRTAC-ın məlumatına görə, bu sözləri Sinqapurda səfərdə olan ABŞ Dövlət katibi Antoni Blinken “Channel News Asia”ya müsahibəsində deyib.
“Bizim bu barədə məlumatımız olmayıb və ABŞ-ın bu məsələ ilə əlaqəsi yoxdur”, - deyə A.Blinken qeyd edib. O həmçinin əlavə edib ki, Yaxın Şərqdə atəşkəsə nail olmaq vacibdir: “Biz bunun üzərində işləməyə davam edəcəyik. Qəzzada fələstinlilərin iztirablarına son qoymağa kömək etmək həyati əhəmiyyət kəsb edir. Bir sıra amerikalılar da daxil olmaqla, girovları azad etmək çox vacibdir”.
Məlahət Nəcəfova
AZƏRTAC-ın xüsusi müxbiri
Vaşinqton
