Cəlilabad rayonunda iki ailə arasında torpaq mübahisəsi olub.
Hadisə rayonun Abışabad kəndində qeydə alınıb.
İki ailə arasında torpaq sahəsinə görə yaranan mübahisə daha sonra davaya çevrilib.
Nəticədə rayon sakinləri, 1975-ci il təvəllüdlü Ərəstun İbrahimov, 1971-ci il təvəllüdlü Fikrət İbrahimov, 2001-ci il təvəllüdlü İsmət İbrahimov, 1998-ci il təvəllüdlü Məlik Qarayev müxtəlif xəsarətlər alıb. Onlar rayon xəstəxanasına aparılıb.
Hadisə ilə bağlı DİN-in mətbuat xidmətinin Lənkəran regional qrupundan APA-ya bildirilib ki, həmin faktla bağlı hazırda Cəlilabad Rayon Polis Şöbəsində araşdırma aparılır. Təyin olunmuş ekspertizaların rəyindən və araşdırmanın nəticəsindən asılı olaraq məsələyə hüquqi qiymət veriləcək.(Apa)
