“Sumqayıt” heyətinə yeni futbolçu cəlb edib. Msport.az xəbər verir ki, “gənclər şəhəri” təmsilçisi Alan Diasla müavilə imzalayıb. 25 yaşlı müdafiəçi ilə anlaşma 1+2 illikdir.
Braziliyalı futbolçu yeni komandasında 5 nömrəli formada çıxış edəcək.
Dias Bolqarıstanda “Lokomotiv” (Sofiya), Braziliyada “Krikiuma”, “Botafaqo”, “Qoyas” klublarında oynayıb. O, “Sumqayıt”a azad agent kimi gəlib.
