İngiltərənin "Mançester Yunayted" klubu Premyer Liqada mövsümə uğurlu start verib.
Sportnet.az xəbər verir ki, "qırmızı şeytanlar" 22-ci dəfə çempionata qələbə ilə başlayıb.
Mançesterlilər “Fulhem”i 1:0 hesabı ilə məğlub edib. “Old Trafford”dakı qələbə qoluna Coşua Zirkzee imza atıb. Beləliklə, klub öz rekordunu yeniləyib.
İlk turdakı qələbə sayında ikinci nəticə “Çelsi”yə məxsusdur – 20. “Arsenal” və “Liverpul” 18 dəfə Premyer Liqaya qələbə ilə başlayıb.
Qeyd edək ki, son çempion “Mançester Siti” 15 qələbə ilə 5-cidir.
