"Qarabağ" yeni qapıçısı Mateuş Koxalskini UEFA Çempionlar Liqasında pley-off mərhələsinin oyunları üçün iştirak ərizəsinə daxil edib.Yeni alınan qolkiper Xorvatiyanın "Dinamo" (Zaqreb) klubu ilə görüşlərdə iştirak edə biləcək.Təmsilçimiz avqustun 15-də 24 yaşlı polşalı oyunçu ilə 3+1 illik müqavilə imzalandığını açıqlayıb."Qarabağ" "Dinamo" ilə ilk matçını avqustun 20-də səfərdə, cavab görüşünü isə 28-də Bakıda keçirəcək.
