Vaşinqton, 21 avqust, AZƏRTAC
ABŞ Haitinin keçmiş prezidenti Mişel Martellinin adını sanksiya siyahısına daxil edib.
AZƏRTAC-ın məlumatına görə, bu barədə ABŞ Dövlət Departamenti bəyanat yayıb. Bildirilir ki, sanksiya sabiq dövlət başçısının qlobal narkotik vasitə ticarətindəki roluna görə tətbiq edilib. Məlumata əsasən, Martelli qeyri-leqal narkotik maddə ticarətini asanlaşdırmaq üçün öz səlahiyyətlərindən istifadə edib və Haitidə yerləşən dəstələri maliyyələşdirib. Bu isə Haitidə siyasi qeyri-sabitliyə və təhlükəsizliyin pozulması ilə nəticələnib.
Məlahət Nəcəfova
AZƏRTAC-ın xüsusi müxbiri
Vaşinqton
