“Araz-Naxçıvan” komandası heyətini yeni futbolçu ilə gücləndirib.
Naxçıvan təmsilçisinin mətbuat xidmətindən Sportnet.az-a verilən məlumata görə, 29 yaşlı mərkəz müdafiəçisi İssuf Paro bu gün tibbi müayinədən keçib və onunla 1 illik müqavilə imzalanıb.
Burkina Fasodan olan oyunçu karyerasına vətənində “Ouaqaduqu” klubunda başlayıb və müxtəlif illərdə Cənubi Afrikanın “Santos”, Fransanın “Nyor” və “Konkarno” komandalarında çıxış edib.
