Fələstinin HƏMAS təşkilatının hərbi qanadı olan "İzzəddin əl-Qəssam" briqadası Qəzzada İsrail hərbi texnikalarını hədəf alan görüntülər paylaşıb.
BAKU.WS xəbər verir ki, görüntülərdə fələstinli döyüşçülərin İsrail hərbçilərini pusquya salması və hərbi maşınları sıradan çıxarması öz əksini tapıb.
"Əl-Qəssam" üzvlərinin xarabalıqlar içindən çıxaraq İsrail hərbçilərinə hücum etməsi qarşı tərəfi çaş-baş salıb.
Qeyd edək ki, İsrail və HƏMAS noyabrın 23-də qüvvəyə minəcək münaqişəyə humanitar fasilə verəcək kompromis barədə razılığa gəliblər. Müvafiq olaraq, toqquşmalarda 4 günlük humanitar fasilə olacaq. HƏMAS-ın saxladığı 50 israilli məhbusun qarşılığında İsrail həbsxanalarında olan 300 fələstinli azad ediləcək.
