Azadlıqda olan Gürcüstanın eks-prezidenti Mixail Saakaşvili müxalif “Lelo” partiyasının təklif etdiyi ölkənin “Rusiyadan təmizlənməsi konsepsiyası”nı dəstəkləyir.
Publika.az xəbər verir ki, o, Facebook sosial şəbəkəsində bu məsələni bütün gürcülər üçün ümumiləşdirməyə çağırıb.
“De-Russifikasiya hər kəsin etməli olduğu şey olmalıdır və onu gecikdirmək hər hansı ciddi xəstəliyin müalicəsini gecikdirməklə eynidir. Milli bədənimizi ölümlə təhdid edən rus virusu bütün cəmiyyətin toxunulmazlığına və gücünə ehtiyac duyur. Bu işdə hər kəsin öz cəbhəsi var. Qazanan koalisiya özünün ən yaxşı keyfiyyətlərini, digər partiyalar da öz keyfiyyətlərini göstərməlidir və mən onlara bu məsələdə uğurlar arzulayıram”, - Saakaşvili yazıb.
Qeyd edək ki, “Lelo” partiyası Rusiya və Rusiya şirkətlərinə Gürcüstanın dövlət müsabiqələrində iştirakını qadağan etməyi təklif edib. Müxalifətin təşəbbüsünə görə, bu, Gürcüstanın qərb tərəfdaşlarının dövləti anti-Rusiya sanksiyalarından yayınmaqda ittiham etməməsi üçün zəruridir.
