Fövqəladə Hallar Nazirliyinin “112” qaynar telefon xəttinə Bakı şəhəri, Nizami rayonunda yerləşən neft emalı zavodunun ərazisində yanğın baş verməsi barədə məlumat daxil olub.
Dərhal Fövqəladə Hallar Nazirliyinin Dövlət Yanğından Mühafizə Xidmətinin qüvvələri hadisə yerinə cəlb olunub.
Yanğına qərq olmuş Bakı neft emalı zavoduna polis əməkdaşları gəlib.
Daxili İşlər Nazirliyinin mətbuat xidmətindən verilən məlumata görə, hüquq-mühafizə orqanlarının əməkdaşları təhlükəsizliyin təmin edilməsi üçün bütün zəruri tədbirləri həyata keçirirlər.
Hazırda yanğının söndürülməsi istiqamətində tədbirlər görülür.
