"Azercell" mobil operator şirkətinin yeni qiymət tariflərini tətbiq etməsi geniş ictimai narazılıq doğurub. Sosial şəbəkələrdə istifadəçilər şirkətin qiymət siyasətinə kəskin etirazlarını bildirərək boykot çağırışları edirlər. Bu vəziyyət həm sosial, həm də iqtisadi baxımdan bir neçə əsas məsələyə işıq salır.
Qiymətlərə etiraz
Sosial şəbəkələrdə yaranan boykot çağırışları istifadəçilərin kütləvi narazılığını nümayiş etdirir. Müştərilərin xidmətlərdən narazı qalması bir qayda olaraq şirkətlərin uzunmüddətli reputasiyasına ciddi zərər verir. Sosial medianın güclü təsir mexanizmi bu narazılıqları qısa müddətdə geniş auditoriyaya çatdırmağa imkan yaradır, bu da şirkətləri daha şəffaf və məsuliyyətli davranmağa sövq etməlidir. Müştərilər tərəfindən edilən bu cür etirazlar bazar iştirakçıları üçün bir xəbərdarlıq rolunu oynayır. Amma görünür “Azercell” bu xəbərdarlıqdan nəticə çıxarmaq istəmir.
Bahalı tariflər
Ekspertlərin də qeyd etdiyi kimi, "Azercell" tarifləri onsuz da kifayət qədər yüksək idi. Bu vəziyyətdə qiymətlərin yenidən artırılması abunəçilər üçün ciddi maliyyə yükü yaradır. Şirkətin qiymət artımını iqtisadi əsaslarla, məsələn, inflyasiya və ya infrastruktur xərclərinin artması ilə izah etməsi mümkündür. Lakin xidmət keyfiyyətində nəzərəçarpacaq bir dəyişiklik olmadan bu artım istifadəçilər tərəfindən ədalətsiz və əsassız kimi qəbul edilir.
Rəqabət mühiti və alternativlər
