Bir sıra simptomlar hətta gənclərdə də xərçəngin inkişafını göstərə bilər.
“Cebheinfo.az” xəbər verir ki, bu barədə Nyu- York Universitetinin Langone Perlmutter Xərçəng Mərkəzində işləyən onkoloq Paul Oberstein deyib.
Bu əlamətlərdən birincisi bağırsaqda dəyişikliklərdir. Nəcisdə qan izləri, tez-tez qəbizlik və ishal da həyəcanverici olmalıdır. Onkoloqlar qeyd edirlər ki, düzgün olmayan qidalanma kolorektal xərçəng xəstələrinin sayının artmasına səbəb olur.
Zəif iştah və ani, səbəbi bilinməyən kilo itkisi sciddi əlamət hesab olunur. Sağlam insanlar adətən səy göstərmədən arıqlamırlar.
Ağrı olmasa belə, süd vəzilərində yaranan şişlər, sağalması uzun sürən qeyri-adi mol və səpkilər, qəribə axıntılar da xərçənglə əlaqələndirilə bilər.
Gecə tərləmələri limfa sistemi ilə bağlı problemləri göstərə bilər, vəzi nahiyəsində, məsələn, qoltuqlarda şişkinlik olar.
Digər şübhəli simptomlar naməlum mənşəli çürümə görünüşü, tez-tez infeksiyalar, daimi yorğunluqdur. Bunlar lösemi göstərə bilər.
Tez-tez sümük qırıqları və daimi ağrılar sarkomanın əlamətləri ola bilər.
Riskləri azaltmaq üçün həkim pəhrizinizi izləməyi, pis vərdişlərdən imtina, daha çox məşq etməyi, müayinələri unutmamağı və sağlamlığınıza diqqətli olmağı tövsiyə edir. Xüsusən də ailədə xərçəng halları varsa, daha çox ehtiyatlı olun.
