İnkişaf etmiş ölkələrdə sabit tarif sosial yönümlü addım sayılır.
APA xəbər verir ki, bunu Milli Məclisin Təbii ehtiyatlar, energetika və ekologiya komitəsinin bu gün keçirilən iclasında “Elektroenergetika haqqında” qanuna təklif edilən dəyişikliyin müzakirəsində komitə sədrinin müavini Fatma Yıldırım deyib.
Deputat bildirib ki, təklif edilən dəyişikliklərin əsas mahiyyəti “sabit tarif” anlayışının qanunvericiliyə daxil edilməsidir: “Bu, vətəndaş üçün enerji xərclərinin daha sabit və proqnozlaşdırıla bilən olması deməkdir. Sonrakı mərhələlərdə artıq tariflərin necə bölünməsi və digər məsələlərə müvafiq qurumlar tərəfindən baxılacaq. Beynəlxalq təcrübə göstərir ki, inkişaf etmiş ölkələrdə sabit tarif sosial yönümlü addım sayılır və cəmiyyətin inkişafına müsbət təsir edən addım hesab olunmalıdır. Eyni zamanda, enerji təchizatçıları üçün də bu sistem daha sabit maliyyə planlamasına imkan verəcək, investisiya mühitini yaxşılaşdıracaq. H’mçinin yeni texnologiyalar və daha keyfiyyətli xidmətlərə sərmayə yönəltmək üçün sabit zəmin yaradacaq”.
