İyunun 15-də Omanın paytaxtı Maskatda ABŞ və İran arasında nüvə faylı üzrə danışıqların altıncı raundu keçiriləcək.
Editor.az xəbər verir ki, bu barədə krallığın xarici işlər naziri Bədr əl-Busaidi X sosial media şəbəkəsində məlumat verib.
“İran-ABŞ danışıqlarının altıncı raundunun bu bazar günü Maskatda baş tutacağını təsdiq etməkdən məmnunam”, – diplomat yazıb.
Aprelin 12-dən bəri ABŞ və İran arasında İranın nüvə proqramı ilə bağlı beş raund danışıqlar keçirilib.
İran Xarici İşlər Nazirliyinin sözçüsü İsmayıl Bəqayi iyunun 9-da bildirib ki, Tehran nüvə proqramı ilə bağlı təkliflərini Oman vasitəsilə Amerika tərəfinə təqdim edəcək.
//Gülnarə Abasova, Editor.az
