Son zamanlar neft qiymətlərinə təzyiq göstərən OPEC+ ölkələrinin hasilatın sürətlə artması bazarda İranla bağlı narahatlıqlara müvəqqəti olaraq öz yerini verib. ABŞ İsraillə İran arasında gərginliyin artması səbəbindən bəzi personalını Yaxın Şərqdən çıxarmağa başlayıb və Vaşinqtonla Tehran arasında İranın nüvə proqramı ilə bağlı razılıq əldə etmək şansları da aşağı düşüb.
Nəticədə çərşənbə günü günorta ticarətində Brent markalı neftin qiyməti 5% artaraq 70,22 dollara çatıb, Amerikanın WTI markalı nefti də bahalaşıb. Cümə axşamı qiymətlər bir qədər korrektə olunub -Brent üçün 69 dollara, WTI üçün isə 67,4 dollara qədər.
Donald Tramp çərşənbə günü deyib ki, həftələrlə davam edən danışıqlara baxmayaraq, indi İranla nüvə sazişinə “daha az inamlı”dır. Trampın sazişin şərtlərini razılaşdırmaq üçün təyin etdiyi 60 günlük müddət cümə axşamı başa çatır. Tehran bu həftə danışıqların altıncı raundunun bazar günü keçiriləcəyini bildirib, baxmayaraq ki, nə ABŞ, nə də vasitəçilik edən Oman bunu təsdiqləməyib.
Çərşənbə günü axşam ABŞ prezidenti qeyri-vacib kadrların Yaxın Şərqdən çıxarılacağını təsdiqləyib. Dövlət Departamenti İraq, Küveyt və Bəhreyndəki səfirliklərdən diplomatların qismən evakuasiya edildiyini elan edib və Pentaqon hərbçi ailələrə Yaxın Şərqdəki bazalarını könüllü olaraq tərk etməyə icazə verib.
Nigar,
Sitat.info
