İsrailin baş naziri Benyamin Netanyahu İrana qarşı hücuma keçdiklərini və hücumların “təhlükə aradan qaldırılana qədər” davam edəcəyini bildirib.
Turkustan.az xəbər verir ki, Netanyahu İsrail Baş Nazirlik dəftərxanası tərəfindən yayımlanan çıxışında “İsrailin sağ qalması təhlükəsini aradan qaldırmaq” bəhanəsi ilə İrana hücuma keçdiklərini açıqlayıb.
Netanyahu deyib ki, İran atom bombası istehsal edəcək qədər uranı zənginləşdirib və silah istehsal etmək üçün əvvəllər atmadığı addımlar atıb.
Bu sürətlə İranın çox qısa müddətdə nüvə silahı istehsal edə biləcəyini deyən Netanyahu bunun İsrail üçün təhlükə olduğunu müdafiə etdi.
Başlatdıqları hücumun adının "Yüksələn Aslan" olduğunu açıqlayan Netanyahu: "İranın nüvə zənginləşdirmə proqramının ürəyinə hücum etdik. İranın Natanzdakı əsas zənginləşdirmə obyektini hədəf aldıq" dedi.
İranın ballistik raket proqramına hücum etdiklərini bildirən İsrailin baş naziri keçən il İranın onlara 300 raket atdığını, onların isə bir ton partlayıcı daşıyan 25 raket atdığını bildirib.
İranın 3 il ərzində 10 min ballistik raket istehsal etməyi hədəflədiyini və bunun qəbuledilməz olduğunu iddia edən Netanyahu, İrana böyük zərbə vurduqlarını və problemlərinin İran xalqı ilə deyil, öz rejimi ilə olduğunu bildirib.
Aytən Yaşar/ Turkustan.az
