İstanbul, 15 iyun, Günel Karatepe, AZƏRTAC
Türkiyə və Rusiyanın xarici işlər nazirləri Hakan Fidan ilə Sergey Lavrov arasında telefon danışığı olub. İki nazir bölgədəki son vəziyyəti müzakirə ediblər.
AZƏRTAC xəbər verir ki, danışıq zamanı İsrail ilə İran arasındakı gərginlik, yaranmış bu vəziyyətin mümkün qlobal və regional təsirləri ətrafında fikir mübadiləsi aparılıb.
Nazir Hakan Fidan hadisələrin narahatedici olduğunu vurğulayaraq, qarşıdurmaların sona çatması və İranın nüvə fəaliyyətləri ilə bağlı fikir ayrılıqlarının həllinin yeganə yolunun diplomatiya olduğunu bildirib.
