ain.az bildirir, Apa.az portalına istinadən.
Qəbələ ilə Əbu-Dabi arasında birbaşa kommersiya reyslərinin işə düşməsi bölgədə turizmin və iqtisadi inkişafın sürətlənməsi üçün yeni imkanlar yaradır.
“APA-Economics” xəbər verir ki, bunu Wizz Air şirkətinin Kommersiya direktoru, Tamara Vallois bildirib.
“Wizz Air Abu Dhabi”nin sərfəli qiymətləri sayəsində Azərbaycanın şimal bölgələrinin sakinləri artıq Əbu-dabinin rəngarəng mədəniyyəti və zəngin irsini kəşf etmək üçün sürətli və rahat imkana malikdirlər. Eyni zamanda, Əbu-Dabidən gələn sərnişinlər bu bölgənin unikal mənzərələrindən və təbiət gözəlliklərindən ilboyu yararlana biləcəklər. Birbaşa hava əlaqəsini qeyd etmək məqsədilə biz bu günə xüsusi 20%-dək endirim təklif edirik. Şəbəkəmizi genişləndirməyə və sərfəli səyahət imkanları təqdim etməyə sadiq qalırıq, eyni zamanda Əbu-Dabinin unikal qlobal istiqamətlərə çıxış qapısı rolunu daha da gücləndiririk” -deyə Tamara Vallois qeyd edib
Xatırladaq ki, bu gün BƏƏ-nin ultra-aşağıbüdcəli milli aviadaşıyıcısı “Wizz Air Abu Dhabi” Qəbələdən Əbu-Dabiyə ilk reysi rəsmi olaraq həyata keçirib.
Ən son yeniliklər və məlumatlar üçün ain.az saytını izləyin, biz hadisənin gedişatını izləyirik və ən aktual məlumatları təqdim edirik.
