Bakıda təlim-məşq toplanışında olan 16 yaşadək futbolçulardan ibarət Azərbaycan milli komandası ikinci yoxlama görüşünə çıxıb.
Busaat.az xəbər verir ki, U-16 Moldovanın müvafiq yaş qrupundan ibarət komandası ilə qarşılaşıb.
Binə stadionunda təşkil olunan oyun Aqil Nəbiyevin baş məşqçi olduğu kollektivin 2:1 hesablı qələbəsi ilə yekunlaşıb.
Millimizin qollarını Şikar Şikar və Ömər Kosayev vurublar.
Qeyd edək ki, bu komandalar arasında iyunun 19-da keçirilmiş ilk oyunda da Azərbaycan millisi qələbə qazanıb – 3:2.
