İtaliyanın Kaorle şəhərində güləş üzrə U-15 Avropa çempionatında yunan-Roma güləşçiləri mübarizəyə qoşulub.
İdman.biz xəbər verir ki, yığmamızın 13 pəhləvanı qüvvəsini sınayıb.
Onlardan üçü finalda güləşmək şansı qazanıb.
U15 Avropa çempionatı
Yunan-Roma güləşi
38 kq
Hüseyn Əmrahlı italiyalı Nikola Sedikinaya (9:0), belaruslu Qleb Semianenkaya (3:1) və ermənistanlı Vardan Melkonyana (4:2) qalib gələrək finala yüksəlib.
Bu çəkidəki digər təmsilçimiz Xudayar Kərimli polşalı Kasper Bieleviçə (11:0) və bolqarıstanlı İvan Aleksandrova (10:0) qalib gəlsə də, 1/4 finalda rusiyalı Arsan Aliyevə (0:9) məğlub olbu. Xudayar təsəlliverici görüşə çıxacaq.
41 kq
Rahib Əhmədov slovakiyalı Andrey Posvanka (10:0), rumıniyalı Ayan İstfana (11:0) və polşalı Matvey Bezrukyiyə (9:0) qalib gələrək yarımfinala vəsiqə qazanıb. O, finala gedən yolda rusiyalı Soltan Yusupova (2:11) uduzub. Rahib sabah bürünc medal uğrunda güləşəcək.
44 kq
Ömər Salmanov türkiyəli Mustafa Güvənə (8:0) və litvalı Orestas Stakenasa (8:0) və rusiyalı Denis Sisikinə (10:1) qalib gələrək finala yüksəlib.
48 kq
Vəkil Bəşirov təsnifat mərhələsində yunanıstanlı Nikolaos Zinisaya "tuş"la məğlub olub. Vəkil təsəlliverici görüşə çıxacaq.
52 kq
Hüseyn Mustafazadə polşalı Stanislav Zoltovskiyə (7:1), türkiyəli Mehmet Kayana (13:4) və polşalı Yakub Skiuolkerə (5:3) qalib gələrək yarımfinala yüksəlib. Bu mərhələdə gürcüstanlı Qabriel Tavberidzeyə (4:13) məğlub olan güləşçimiz sabah bürünc medal uğrunda güləşəcək.
Onun çəki yoldaşı Qurban Məcnunov isə 1/8 finalda rumıniyalı Andrey Peleana 3:4 hesabıyla məğlub olub.
57 kq
İbrahim Məmmədzadə moldovalı Artyom Popeskuya (9:0) qalib gəlsə də, 1/8 finalda ukraynalı Oleksandr Venetsə (3:13) uduzub.
63 kq
Nadir Həsənov rusiyalı Adam Yaşurkayevə (4:3), moldovalı Maksim Deliuya (9:1) və türkiyəli Süleyman Şahinola (7:1) qalib gələrək yarımfinala vəsiqə qazanıb. O, yarımfinalda ermənistanlı Pavel Nazaryana (1:10) məğlub olbu və sabah bürünc medal uğrunda güləşəcək.
68 kq
Əli Məmmədov fransalı Nika Namoyevə (8:0) və gürcüstanlı Daviti Mxeidzeyə (9:1) qalib gəlsə də, 1/4 finalda rusiyalı Yuriy Ronjinə (0:7) uduzub.
74 kq
Ruslan Nuriyev gürcüstanlı Mixeil Beridzeyə (3:1), türkiyəli Mehmet Yıldıza (2:0) və rusiyalı Aşot Qaloyana (3:2) qalib gələrək finala güləşmək şansı qazanıb.
85 kq
Zöhrab Səfərov macarıstanlı Zombor Simona (9:0) və rusiyalı Aleksandr Karpekinə (10:8) qalib gəlsə də, 1/4 finalda belaruslu Dmitri Kiselə (UWW) "tuş"la məğlub olub. Zöhrab təsəlliverici görüşə çıxacaq.
Onunla eyni çəkidə yer alan Məhəmməd Orucov ilk mərhələdə polşalı Lusyan Popeçkiyə "tuş"la uduzub.
İdman.biz
