Tesla-nın səhmləri NASDAQ birjasında ticarətin açılışında 7,7% dəyər itirərək, Bakı vaxtı ilə saat 17:31-ə minimum 293,21 dollara düşüb.
Marja.az xəbər verir ki, münaqişənin yenidən başlamasına səbəb İlon Maskın Donald Trampın vergi güzəştləri və borc tavanının artırılması ilə bağlı qanun layihəsini tənqid etməsi olub. "X" sosial şəbəkəsində iş adamı qanun layihəsinin büdcə kəsirinin artmasına səbəb olacağını bir daha vurğulayıb.
"Dövlət xərclərinin azaldılması kampaniyasında iştirak edən və indi tarixdə milli borcun ən böyük artımına səs verən hər bir Konqres üzvü çox utanmalıdır! Bu yolla gələn il praymerizləri uduzacaqlar, bu, dəqiqdir", - Tesla rəhbəri bildirib.
Buna cavab olaraq Tramp bildirib ki, Tesla-nın 2025-ci ilin birinci rübündə şirkətin itkidən qaçmasına kömək edən subsidiyaları ləğv edilə bilər.
"Elon, yəqin ki, tarixdəki hər hansı bir insandan daha çox subsidiya alır və təbii ki, subsidiyalar olmasa, Elon "dükanını" bağlayıb Cənubi Afrikadakı evinə qayıtmalı olacaqdı" - deyə Tramp yazıb."
