Ukrayna Xarici İşlər Nazirliyi ABŞ-ı Ukraynaya əvvəllər planlaşdırdığı silah yardımını davam etdirməyə çağırıb və çatdırılmaların davam etdirilməsinin kritik əhəmiyyət daşıdığını bildirib.
Turkustan.az xəbər verir ki, nazirlikdən verilən yazılı açıqlamada ABŞ-ın Kiyevdəki səfirliyinin müvəqqəti işlər vəkili Con Ginkelin xarici işlər naziri Andrii Sybihanın adından nazirliyə dəvət edildiyi bildirilib.
Nazirlikdə keçirilən görüşdə ABŞ-ın Ukraynaya hərbi yardımının davam etdirilməsi və müdafiə sahəsində əməkdaşlığın müzakirə edildiyi bildirilən bəyanatda bu ifadələr yer alıb:
“Ukrayna xarici işlər nazirinin müavini Maryana Betsa Rusiyanın tammiqyaslı hücumunun başlamasından bəri göstərilən dəstəyə görə ABŞ-a təşəkkür edib və Ukraynanın hava hücumundan müdafiə sisteminin gücləndirilməsinə xüsusi diqqət yetirməklə, əvvəllər ayrılmış müdafiə paketlərinin çatdırılmasının davam etdirilməsinin kritik əhəmiyyətini vurğulayıb”.
Aytən Yaşar/ Turkustan.az
