İndoneziyanın Bali adasının yaxınlığında göyərtəsində 65 sərnişinin olduğu bərə batıb, Bali Post xəbər verir. Xilasedicilər itkin düşən 43 nəfəri axtarır. Ən azı üç nəfərin öldüyü məlumdur.
KMP Tunu Pratama Jaya iyunun 2-də axşam Ketapanq limanından çıxdıqdan yarım saat sonra çevrilib və batıb. O, Bali adasının Gilimanuk limanına doğru gedirdi, aralarındakı məsafə 50 km-dir.
İndoneziya Milli Axtarış və Xilasetmə Agentliyinin məlumatına görə, təyyarədə 65 nəfər olub: 53 sərnişin və 12 ekipaj üzvü. Bərədə həmçinin 14 yük maşını da daxil olmaqla 22 nəqliyyat vasitəsi olub.
Artıq iki qurbanın cəsədi tapılıb. Banyuvangi polis rəisi Rama Samtama Putra bildirib ki, 20 nəfər xilas edilib, onların çoxu huşsuz vəziyyətdə saatlarla dənizdə qalıb.
İtkin düşənlərin axtarışı iki yedək gəmisi və iki şişmə qayıq da daxil olmaqla doqquz gəminin köməyi ilə aparılır. Xilasedicilər qaranlıq və hündürlüyü 2 metrə çatan dalğalar şəraitində işləyirlər.
Əziz Mustafa
