Azərbaycan Mərkəzi Bank (AMB) tərəfindən “MilliKart” MMC-yə ödəniş sistemi operatoru fəaliyyətini həyata keçirmək hüququ verən lisenziya verilib
Kommersant.az-a bu barədə AMB-dən məlumat verilib.
“Ödəniş xidmətləri və ödəniş sistemləri haqqında” Azərbaycan Respublikası Qanununa əsasən ödəniş xidmətləri və ödəniş sistemləri fəaliyyətinin göstərilməsi üçün lisenziyanın əldə edilməsinə dair Mərkəzi Banka müraciət etmiş təşkilatların qiymətləndirilməsi həyata keçirilib. Bu istiqamətdə aparılan işlər çərçivəsində Mərkəzi Bankın İdarə Heyətinin qərarı ilə “MilliKart” MMC-yə ödəniş sistemi operatoru fəaliyyətini həyata keçirmək hüququ verən müddətsiz lisenziya təqdim olunub", - məlumatda qeyd edilib.
