Bakı, 7 iyul, AZƏRTAC
İspaniyanın "Real Madrid" komandasının futbolçusu Kilian Mbappe “kral klubu”nun tarixinə düşüb.
AZƏRTAC xarici mətbuata istinadən xəbər verir ki, klublararası dünya çempionatının 1/4 final mərhələsində Almaniyanın “Borussiya Dortmund” komandası ilə matçda (2:0) sonuncu qolun müəllifi olan fransalı hücumçu Madrid təmsilçisinin heyətində bir mövsüm ərzində 7 fərqli turnirdə fərqlənən ilk oyunçu olub.
O, bunadək La Liqa, İspaniya Kral Kuboku, Çempionlar Liqası, İspaniya Superkuboku, UEFA Superkuboku və Qitələrarası Kubokda qol vurub.
Qeyd edək ki, Kilian Mbappe 2024-cü ilin yayından “Real Madrid”də çıxış edir.
