Türkdilli Dövlətlərin Xizək Kurortları qlobal miqyasda tanınan və yüksək rəqabətli məkanlara çevriləcək.
"Report"un "Şahdağ" Turizm Mərkəzinə ezam olunmuş müxbiri xəbər verir ki, bunu Türk Dövlətləri Təşkilatının Baş katibinin müavini Mirvohid Azimov Türkdilli Dövlətlərin Xizək Kurortları İttifaqının 1-ci sammitində bildirib.
Onun sözlərinə görə, Türkdilli Dövlətlərin Xizək Kurortları İttifaqı insanlararsı əlaqələri gücləndirəcək: “İttifaq xizək kurortlarının fərdi səylərini kollektiv qüvvəyə çevirəcək və insanlararası əlaqələri gücləndirəcək. Bu ittifaqın yaradılması Türk dünyasında güclü qış turizmi ekosisteminin qurulması istiqamətində mühüm addımdır. Bu, təcrübələri bölüşməyə, ümumi çətinlikləri aradan qaldırmağa və birgə təşəbbüslərdə daha böyük effektivliklə işləməyə kömək edəcək. Türk Dövlətləri Təşkilatının Katibi olaraq, biz bütün türk millətlərinin xeyrinə ortaq qış turizmi gündəliyimizi irəlilətmək və kollektiv səylərimizi əlaqələndirmək üçün Birlik ilə sıx əməkdaşlıq etməyə sadiqik".
O qeyd edib ki, ittifaqın fəaliyyəti və görüşlər simvolik jestlərdən kənara çıxmalıdır: "Vətəndaşlarımız əməkdaşlığımızdan real fayda görməlidirlər”.
