"Ermənistanın həqiqi niyyəti Zəngəzur dəhlizi ilə bağlı danışıqları çətinləşdirməkdir"

"Ermənistanın Zəngəzur dəhlizinin başqa ölkələrə icarəyə verilməsi ilə bağlı bir neçə dəfə xəbərlər yayılıb. O cümlədən, bu cəhətdən Amerikanın adı hallandırılıb, Avropa ölkələrinin bəzilərinin və bəzi Avropa şirkətlərinin adı hallandırılıb ki, Ermənistan bu subyektlərlə Zəngəzur dəhlizinin icarəyə verilməsi ilə bağlı razılaşma əldə ediblər. Düzdür, sonradan Ermənistanın rəsmi orqanları hələlik hər hansı bir razılaşmanın Zəngəzur dəhlizi ilə bağlı hansısa başqa dövlətlə razılaşma ilə bağlı məlumatların həqiqət olmadığını bildirib və bu məlumatları Ermənistan rəsmi qaydada inkar edib. Amma Ermənistanın baş naziri Paşinyan açıq şəkildə etiraf edib ki, biz artıq Ermənistanın dövlət mülkiyyətinin müəyyən infrastrukturlarının bəzi xarici ölkələrə icarəyə verilməsi ilə bağlı təcrübəyə malikik. O cümlədən, aeroportun belə icarəyə verilməsi ilə bağlı ortada fakt olduğunu bildirib və iddia edib ki, əgər belə hal təkrar olunarsa, yəni Ermənistanın infrastrukturları hansısa bir xarici dövlətə icarəyə verilərsə, bu, Ermənistanın suverenliyinin və ərazi bütövlüyünün pozulması anlamına heç cürə gəlməyə imkan vermir. Yəni bununla Paşinyan əslində etiraf edib ki, Ermənistan hansısa infrastrukturu başqa ölkələrə icarəyə verə bilər, o cümlədən də Zəngəzur dəhlizini".

Bunu Demokrat.az-a açıqlamasında siyasi ekspert Aydın Quliyev deyib.

"Düşünürəm ki, hələlik Ermənistan bu barədə məlumatları təkzib etsə də, ancaq Ermənistan öz infrastrukturlarını, o cümlədən də Zəngəzur dəhlizinin başqa hansısa bir dövlətin icarəsinə, nəzarətinə verilməsinə meyllidir. Bu, bir də onu göstərir, ifadə edir ki, Ermənistan gələcəkdə bu yönümdə addımlar ata bilər. Ancaq hadisələrin təhlili göstərir ki, Ermənistan özü sanki belə məlumatların yayılmasında maraqlıdır ki, ölkənin infrastrukturunu, o cümlədən Zəngəzur dəhlizini hansısa bir xarici subyektin icarəsinə verib. Bu məlumatlar təkzib olunsa da, Ermənistan belə məlumatların yayılmasında maraqlı görsənir. Bu da o deməkdir ki, Ermənistan belə yalan məlumatların yayılmasından, Zəngəzur dəhlizi ilə bağlı razılaşmanın əldə olunmasından sadəcə yaymaq istəyir. Yəni başqa ölkələrin burada adını hallandırmaqla Azərbaycanla Zəngəzur dəhlizi barədə razılaşma əldə olunması danışıqlarını təxirə salır, bu danışıqları aktuallıqdan çıxardır və ortalığa tamamilə başqa məsələ gətirir. Bu o deməkdir ki, Ermənistan Zəngəzur dəhlizi ilə bağlı tezliklə razılaşma əldə olunmasında maraqlı deyil. Buna görə də, Ermənistanın Zəngəzur dəhlizinin hansısa başqa bir dövlətə icarəyə verilməsi ilə bağlı məlumatlara yanaşmasını daha çox siyasi manipulyasiya hesab etmək doğrudur. Siyasi taktika hesab etmək lazımdır, nəinki Ermənistanın həqiqi niyyəti. Ermənistanın burada həqiqi niyyəti sadəcə olaraq, Azərbaycanla Zəngəzur dəhlizi ilə bağlı danışıqları sadəcə çətinləşdirmək və uzatmaqdır. Əsas hədəf bundan ibarətdir".

Əfsanə Kamal
Demokrat.az

"Ermənistanın həqiqi niyyəti Zəngəzur dəhlizi ilə bağlı danışıqları çətinləşdirməkdir" — Aydın Quliyev

Hesaba daxil ol

Qeydiyyatdan keç

Şifrəni bərpa et