Azərbaycan millisinin dünya çempionatının seçmə mərhələsində İslandiya və Fransaya qarşı keçirəcəyi ev oyunlarının yeri bəlli olub.
Arena.az bu barədə AFFA-nın mətbuat xidmətinə istinadən xəbər verir.
Bildirilir ki, D qrupunun son turları çərçivəsində İslandiya ilə görüş noyabrın 13-də “Neftçi Arena”da baş tutacaq.
Fransa ilə qarşılaşma isə noyabrın 16-da Tofiq Bəhramov adına Respublika stadionunda təşkil olunacaq.
Hər iki oyuna saat 21:00-da start veriləcək.
Xatırladaq ki, millimizin yer aldığı D qrupunda Fransa və İslandiyadan başqa, Ukrayna yığması da yer almaqdadır.
