MBA-nın dörd komandası “Leykers”in forvardı Lebron Ceymsi dəyiş-düyüş etməkdə maraqlı olub.
Bu haqda xəbəri ESPN-in insayderi Deyv Makmenamin yayıb. Onun iddiasına görə, həmin 4 klub 40 yaşlı amerikalı ulduzun agenti Riç Pol ilə əlaqə saxlayıb.
Ceyms bir müddət əvvəl “Leykers”lə müqavilə müddətini 2025/26 mövsümünün sonuna qədər uzatmaq imkanından yararlanıb. Növbəti mövsüm onun üçün MBA-da rekord – 23-cü olacaq. Bununla belə, basketbolçunun karyerasını davam etdirməklə bağlı başqa variantları gözdən keçirdiyi də bildirilirdi.
Ceyms ötən mövsüm MBA-da keçirdiyi 70 oyunda orta hesabla 24,4 xal toplayıb, 8,2 ötürmə verib və 7,8 ribaund edib.
- Gecə Modu
- Ana səhifə
- Statistika
- Mənbələr
- Reytinq
- Hava
- Valyuta
