“Sağlam İnkişaf və Maarifləndirmə” İctimai Birliyi Qeyri-Hökumət Təşkilatlarına Dövlət Dəstəyi Agentliyinin maliyyə dəstəyi ilə “Şuşa ziyalıları haqqında sosial çarxların hazırlanması” adlı növbəti layihəsini həyata keçirib.
Turkustan.az xəbər verir ki, təşkilatın sədri Anar Xəlilovun sözlərinə görə, layihənin əsas ideyasına uyğun olaraq Şuşanın görkəmlişəxsiyyətlərindən olan şair, rəssam, astronom,ədəbiyyatşünas,nəqqaş, tarixçi, xəttat və musiqişünasalim Mir Möhsün Nəvvab və İkinci Dünya müharibəsi iştirakçısı general mayor Yaqub Allahqulu oğlu Quliyev haqqında sənədli video çarxlar hazırlanmışdır. Layihə çərçivəsində hazırlananvideo çarxlar əsasən sosial şəbəkələrdə və digər internet resurslarında geniş yayılaraq təbliğ olunacaqdır. Məqsəd görkəmli insanlarımızı gənc nəslinvə geniş ictimaiyyətin diqqətinə bir daha çatdırmaqdır.
