"Yuventus"un yarımmüdafiəçisi Duqlas Luis karyerasını "Nottingem Forest"də davam etdirə bilər.
90deqiqe.Az-ın "Gazzetta dello Sport"a istinadən yaydığı məlumata görə, "Forest" klubu 27 yaşlı futbolçu ilə müqavilə bağlamağa çox yaxındır, lakin "Everton" transfer planlarını dəyişə bilər. Bildirilir ki, "irisli"lər artıq braziliyalı ilə danışıqlar aparır və "Yuventus"a məcburi satın alma şərti ilə təklif göndəriblər.
Keçən mövsümdə Luis bütün turnirləri daxil olmaqla 27 oyunda iştirak edib, amma heç bir nəticəli hərəkət etməyib. "Transfermarkt"ın məlumatlarına əsasən, futbolçunun bazar dəyəri 30 milyon avro olaraq qiymətləndirilir.
