Bakı, 7 avqust, AZƏRTAC
“France Football” nəşri 2025-ci ilin ən yaxşı kişi futbol klubu mükafatına namizədləri açıqlayıb.
AZƏRTAC xəbər verir ki, siyahıda 5 komanda yer alıb. Bunlar "Barselona" (İspaniya), "Botafoqo" (Braziliya), "Çelsi", "Liverpul" (hər ikisi İngiltərə) və PSJ-dir (Fransa).
Qalib komandanın adı sentyabrın 22-də Fransanın paytaxtı Parisdə keçiriləcək mükafatlandırma mərasimində açıqlanacaq.
Qeyd edək ki, bu mükafata son olaraq İspaniyanın “Real Madrid” klubu sahib çıxıb.
