ABŞ prezidenti Donald Trampın Azərbaycan və Ermənistan arasında iki ölkə arasındakı münaqişəyə son qoymaq üçün ilkin razılığın əldə olunduğunu açıqlayacağı iddia edilib.
CBS News-a danışan adı açıqlanmayan iki ABŞ rəsmisi sabah Ağ Evdə keçiriləcək mərasimdə iki ölkə arasında ilkin razılaşmanın imzalanacağını bildirib.

Xəbərdə qeyd olunub ki, mərasimdə iştirak edəcək Azərbaycan prezidenti İlham Əliyev və Ermənistanın baş naziri Nikol Paşinyan Oval kabinetdə baş tutacaq görüşdən sonra ilkin sazişi imzalayacaqlar.


ABŞ administrasiyasının bir müddətdir ki, bu saziş layihəsi üzərində işlədiyi və Əliyevlə Paşinyanın ilk dəfə belə bir birgə saziş imzalayacağı bildirilib.

Bu arada hesabatda iddia edilib ki, Tramp administrasiyası 2020-ci ildə İsraillə normallaşma prosesinə daxil olan ərəb ölkələri ilə imzalanmış İbrahim sazişlərini genişləndirmək planının bir hissəsi olaraq Azərbaycanın da bu sazişə qoşulmasını istəyir.

Sabah Ağ Evdə keçiriləcək imzalanma mərasimində tərəflər arasında bəzi iqtisadi razılaşmaların da gündəmdə olacağı bildirilib.

aia.az
Tərcümə şöbəsi

• Azərbaycan
• Ermənistan
• Razılaşma
• Tramp