Yüksək qan təzyiqi bir çox insanın sağlamlığını təhdid edən ciddi problem olaraq qalır. Ancaq düzgün qidalanma ilə təzyiqi nəzarətdə saxlamaq mümkündür.
Gundem.az Sfera.az-a istinadən xəbər verir ki, mütəxəssislər qan təzyiqini aşağı salmağa kömək edən təbii qidaları açıqlayıblar.
Birinci yerdə yaşıl tərəvəzlər dayanır. İspanaq, kələm kimi tərəvəzlərdə olan kalium natriumu balanslayaraq damarların genişlənməsini təmin edir.
Yerkökü — tərkibindəki antioksidantlarla qan damarlarını qoruyur və təzyiqi azaldır.
Qoz-fındıq və badam — sağlam yağlar və maqnezium qaynağı olaraq ürək-damar sistemini dəstəkləyir.
Yunan qatığı — kalium və kalsium zəngini olması ilə qan təzyiqini tənzimləyir.
Alma — lif və antioksidantlarla zəngindir, damar elastikliyini artırır.
Qara şokolad — tünd şokoladda olan flavonoidlər təzyiqi aşağı salır, lakin miqdara diqqət vacibdir.
Sarımsaq — təbii qan damarlarını genişləndirici xüsusiyyətə malikdir və təzyiqi azaldır.
Balıq — xüsusilə omega-3 yağ turşuları ilə zəngin olan somon kimi növlər ürək sağlamlığını dəstəkləyir.
Mütəxəssislər həmçinin duz istifadəsini azaltmağı və balanslı qidalanmağı tövsiyə edir. Bu sadə qidalarla sağlam həyat tərzi quraraq qan təzyiqini effektiv şəkildə idarə etmək mümkündür.
