"Qarabağ"ın Çempionlar Liqasının pley-off mərhələsindəki rəqibi bəlli olub.
İdman.biz xəbər verir ki, Azərbaycan çempionu "Ferentsvaroş"la münasibələrə aydınlıq gətirəcək.
Macarıstan təmsilçisi III təsnifat məhələsində iki oyunun nəticəsinə görə "Ludoqorets"dən (Bolqarıstan) güclü olub. Səfərdən 0:0 hesabı ilə dönən "Ferentsvaroş" öz meydanında rəqibin qapısından 3 cavabsız top keçirib.
Macarıstan çempionu "Qarabağ"a tanış rəqibdir. Qurban Qurbanovun komandası Çempionlar Liqasının 2022/2023 mövsümünün III təsnifat mərhələsində "Ferentsvaroş"u mübarizədən kənarlaşdırıb - 1:1, 3:1.
Qeyd edək ki, pley-off mərhələsinin ilk matçı avqustun 19-da Macarıstanda, cavab matçı atın 26-da Bakıda olacaq.
İdman.biz
