Tibb elmi israrla bildirir ki, tətil bir zərurətdir. Məhz tətillər dönəmində bədən dincəlir və itirilmiş enerji bərpa olunur. Tətil bədənin sağlam və düzgün bəslənməsini təmin edir.
Ölkə.Az Ukraynalı həkim Yuri Qaboretsə istinadən xəbər verir ki, istirahət hava, su qədər vacibdir:
"Əgər siz uzun müddət yeniləməsəniz ən yaxşı kompüter belə donmağa başlayır.
İnsanlar da istisna deyil”.
İstirahət etməyəndə nə olur?
Aylarla fasiləsiz işləsəniz, bədəniniz və psixologiyanız yaşlanmağa başlayır.
Stress hormonlarının (kortizol, adrenalin) səviyyəsi yüksəlir və bu, nəticədə hipertoniya və infarkt riskini artırır.
Yuxu pozulur - gec yatmaq, yorğun oyanmaq başlayır.
İmmunitet zəifləyir - orqanizm infeksiyalara qarşı daha həssas olur.
Əsəbləriniz həddən artıq gərginləşir - əsəbilik, apatiya, emosional tükənmə başlayır.
Yay yenidən “format” olmaq üçün ən yaxşı vaxtdır.
Yay bədən və beyin üçün təbii “format”dır. İstilik, günəş işığı və uzun günlər bizə kömək edir ki, bioritmlər normallaşsın. Çünki günəş işığı melatonin və serotonin istehsalına təsir göstərir.
D vitamini ehtiyatlarını bərpa edir - sümüklər bərkiyir.
Ətrafda dəyişən mənzərə - suda və ya meşədə qısa bir istirahət etməniz belə stress səviyyəsini 60% azaldır.
Uzun tətilə vaxtınız yoxdursa, necə dincəlmək olar?
İki həftə başqa ölkəyə qaçmağa ehtiyac yoxdur. Həkim "mikro tətillər" etməyi məsləhət görür:
Axşamı çayın və ya gölün sahilində keçirin.
Telefonunuz olmadan parkda piknik edin.
Çəmən və ya qum üzərində ayaqyalın gəzin.
Dostlarınız və ya ailənizlə həftə sonu gəzintiyə çıxın.
Təbiətdə keçirdiyiniz bir neçə saat belə beyninizi yenidən işə sala və sizə dinclik hissi verə bilər. İstirahət reallıqdan qaçmaq deyil, ona daha güclü qayıtmaq üçün bir yoldur.
Yorğunluq əlamətlərini görməməzlikdən gəlməyin. Çünki onlar avtomobildə yanacaq göstəricisi kimidir - vaxtında doldurmasanız, yolun ortasında dayana bilərsiniz.(Bizim.Media)
