Bakı, 18 avqust, AZƏRTAC
Qəzza zolağında dolayı atəşkəs danışıqlarının vasitəçiləri Fələstinin HƏMAS hərəkatına məsləhətləşmələri bərpa etmək üçün daha bir təklif təqdim ediblər.
AZƏRTAC xəbər verir ki, bu barədə “Al Hadath” telekanalı məlumat yayıb.
Məlumata görə, yeni təşəbbüs bir neçə Fələstin fraksiyalarının liderlərinin iştirakı ilə Misir və Qətər nümayəndələri tərəfindən çatdırılıb. Telekanal qeyd edir ki, sonuncu HƏMAS-dan təklifə "yaxın saatlarda" cavab hazırlamağı istəyib.
