Əlcəzair-Tunis sərhədində 4,8 bal gücündə zəlzələ baş verib.
AZƏRTAC xəbər verir ki, bu barədə Avropa-Aralıq dənizi Seysmoloji Mərkəzi məlumat yayıb.
Məlumata görə, yeraltı təkanların episentri Əlcəzairin Xençela şəhərindən 115 km cənub-şərqdə və Tunisin Tameqza şəhərindən 50 km qərbdə yerləşib. Zəlzələnin ocağı 10 km dərinlikdə yerləşib.
Tələfat və dağıntılar barədə məlumat yoxdur.
