Türkiyə Prezidenti Rəcəb Tayyib Ərdoğanla NATO Baş katibi Mark Rutte arasında telefon danışığı olub.
Axar.az xəbər verir ki, bu barədə Türkiyə Prezident Administrasiyasının mətbuat xidmətinin məlumatında deyilir.
Tərəflər Ukrayna ilə Rusiya arasında danışıqlar prosesindəki son vəziyyəti müzakirə ediblər.
Ərdoğan və baş katib Türkiyənin Ukraynadakı sülh prosesində və Qara dənizin təhlükəsizliyində həlledici roluna toxunublar.
Onlar, həmçinin davamlı təhlükəsizlik təminatları haqqında fikir mübadiləsi aparıblar.
