Fanat portalından alınan məlumata görə, ain.az xəbər verir.
Çempionlar Liqasında pley-off mərhələsinin ilk görüşləri start götürüb.
Fanat.Az-ın məlumatına görə, ötən gecə baş tutan oyunlardan sonra ölkələrin UEFA reytinqi yenilənib.
Azərbaycan əmsallar cədvəlində xal ehtiyatını artıra bilib. Buna "Qarabağ"ın Çempionlar Liqasındakı uğurlu nəticəsi şərait yaradıb. Macarıstan "Ferentsvaroş"unu səfərdə 3:1 hesabı ilə məğlub edən Qurban Qurbanovun komandası ölkəmizin hesabına daha 0.250 əmsal əlavə edib.
Nəticədə cari mövsümdə qazanılan əmsal isə 2.375-ə yüksəlib. Hazırda ölkəmizin ümumi xal ehtiyatı 19.500-ə bərabərdir. Qitə sıralamasında 28-ci yerdə olan Azərbaycanın mövqeyi dünənki oyunlardan sonra dəyişməyib. Ən yaxın izləyicimiz Bolqarıstanın 18,375 xalı var. Bir pillə öndə - 27-ci yerdə qərarlaşmış Ukraynanın xal ehtiyatı isə 19,725-dir.
55 ölkənin yer aldığı əmsallar cədvəlinə İngiltərə (90.839) başçılıq edir.
Abunə Ol
Ən son yeniliklər və məlumatlar üçün ain.az saytını izləyin, biz hadisənin gedişatını izləyirik və ən aktual məlumatları təqdim edirik.
