Türkiyənin Mədəniyyət və Turizm Nazirliyi Nemrut Dağı Tümülüsü üzərində yerləşən minilliklərə meydan oxuyan kolossal heykəllərin qorunması və gələcək nəsillərə ötürülməsi məqsədilə yeni layihəyə start verib. İlk dəfə tətbiq olunan nano texnologiyalar vasitəsilə daş abidələrin strukturu möhkəmləndirilir, çatlar doldurulur və səthlər bərpa olunur.
Heykəllər çağın ən müasir texnikası ilə qorunur
Nazir Mehmet Nuri Ersoy sosial media hesabında yayımladığı açıqlamada, layihənin ilk mərhələsinin artıq başa çatdığını və beş il ərzində həyata keçiriləcək bu möhtəşəm layihənin Nemrutun tarixi irsini gələcək nəsillərə çatdırmaq üçün ən əhəmiyyətli addımlardan biri olduğunu bildirib.
“Nemrutun minilliklərə dayanan mirasını çağımızın ən müasir texnologiyaları ilə gələcəyə daşıyırıq. İlk mərhələdə Apollon, Antiochos və qartal başlı heykəllər üzərində aparılan işlər nəticəsində onlar yenidən bütövlüyünə qovuşdu. Nano texnologiya ilə daşların strukturu gücləndirildi, çatlar estetik şəkildə dolduruldu”, – deyə nazir vurğulayıb.
İlk mərhələ 3 həftəyə tamamlandı
7–27 iyul 2025 tarixlərində aparılan işlər çərçivəsində Adıyaman Muzeyinin əməkdaşı və altı restavratorun iştirakı ilə şərq və qərb terraslarındakı ən önəmli əsərlərə müdaxilə olunub. Antiochos və Qartal başları ilə yanaşı, qərb terasında yerləşən iki qumdaşı relyefi də bərpa edilib.
Nano kireç və estetik harçla möhkəmləndirmə
Kireçdaşı əsərlərdə mexaniki və bioloji təmizləmədən sonra nano ölçülü kalsium hidroksit məhlulu ilə daşların strukturu gücləndirilib. Çatların doldurulması isə hidravlik kireç əsaslı estetik harç vasitəsilə aparılıb. Qumdaşı əsərlərdə isə nano ölçülü etil silikat məhlulu tətbiq olunub, bu da daşın su udmasını əngəlləyib.
Apollon heykəli bütövləşdi
Doğu terasında yerləşən Apollon heykəlinin keçmişdə düzgün yapışdırılmayan və sonradan ayrılan başlıq hissəsi bu dəfə daimi şəkildə birləşdirilib. Beləliklə, Nemrutun simvolik abidələrindən biri yenidən öz bütövlüyünə qovuşub.
Beş illik layihə: Tarixi miras təhlükəsiz əllərdə
2022-ci ildən etibarən aparılan sınaq işləri və 2023–2024-cü illərdə həyata keçirilən qiymətləndirmələrdən sonra bu yay başlayan əsas bərpa mərhələsi Nemrut Dağı Tümülüsü’nün gələcəyini təmin altına almağı hədəfləyir.
Mədəniyyət və Turizm Nazirliyi bu mühüm layihə ilə Nemrutun zirvəsində yerləşən, min illərdir sükutla tarixə şahidlik edən nəhəng heykəlləri yalnız keçmişin deyil, eyni zamanda gələcəyin də qoruyucularına çevirməyi planlaşdırır.
