BAKI, 25 avqust. TELEQRAF
Qarabağ Universitetini seçən yüksək bal toplamış abituriyentlərin sayı artıb.
Teleqraf xəbər verir ki, bu barədə Qarabağ Universitetinin rektoru Şahin Bayramov məlumat yayıb.
Rektor qeyd edib ki, Dövlət İmtahan Mərkəzi tərəfindən açıqlanan ilkin məlumatlara əsasən Qarabağ Universitetinə qəbul olunanlar arasında yüksək akademik göstəricilərə malik tələbələrin sayı əvvəlki illə müqayisədə artıb.
"Cari ildə 600-dən yüksək bal toplayan 127 nəfər gənc Qarabağ Universitetinin tələbəsi adını qazanıb. Bu göstərici ötən il 101 nəfər olub", - məlumatda bildirilib.
