Arxeoloji qazıntılarda tapılan qədim DNT yeni kəşfə yol açıb...
Poliqon xəbər verir ki, Kolumbiyada alimlər paytaxt Boqotanın yaxınlığında aparılan arxeoloji qazıntılar zamanı tapılmış qədim qalıqların tam DNT ardıcıllığını çıxarmaqla əvvəllər məlum olmayan insan nəslinə aid yeni bir xətt aşkar ediblər. Reuters-in məlumatına görə, qrupun adı qalıqların 1992-ci ildə üzə çıxdığı Nemokon bələdiyyəsinin Çekua bölgəsi ilə bağlıdır və onların yaşı təxminən 6000 ilə bərabərdir.
Milli Universitetin Genetika İnstitutunun tədqiqatçısı doktor Andrea Kasas bildirib: “Müxtəlif Amerika bölgələrindən olan fərdlərlə müqayisələr apardığımız zaman məlum oldu ki, burada, KundiNamarca yaylasında tapılan dokeramik dövrə aid insanlar əvvəllər təsvir olunmamış bir insan qoluna aiddir. Bu, yeni bir qoldur”.
Çekua kəşfinə təqribən 30 nəfərin qismən qalıqları və tamamilə qorunmuş bir kəllə daxildir. Alimlər altı fərdin DNT-sini kifayət qədər tam şəkildə seqmentləşdirərək onları 1987–2003-cü illər arasında müxtəlif qazıntılarda tapılan digər qalıqların daxil edildiyi layihəyə əlavə ediblər.
Kasasın sözlərinə görə, Çekuadan fərqli olaraq digər tapıntılar Panamada üzə çıxan qalıqlarla genetik oxşarlıq göstərib ki, bu da 20 min il əvvəl Berinq boğazından Cənubi Amerikaya doğru hərəkət edən köçəri qruplarla bağlı olduqlarını təsdiqləyir.
“Çekuanın haradan gəldiyi və onların taleyinin necə olduğu hələ də məlum deyil. Ola bilsin ki, bu qrup təcrid olunmuş köçəri ovçu-yığıcı icması olub”, — deyə tədqiqatçı əlavə edib.
Poliqon.info
